mixlamoq

fl. 1. Ikki narsani bir-biriga mix bilan mahkamlamoq, biriktirmoq.

Ular toʻgʻonlarni taxta va qoziqlarni yoʻnib, mixlab, sim oʻrab mahkamlashar ekan, ularga otalar betinim ha-halab koʻmaklashmoqdalar. — H. Nazir, Soʻnmas chaqmoqlar

2. koʻchma s. t. Kishini gap yoki boshqa yoʻl bilan yerida qotirmoq, mulzam qilmoq.

Qoʻlimdan kelsa, men hozir Ashurni bir soʻz bilan mixlar edim-u, Gʻulomovning mushkulini oson qilar edim. — P. Qodirov, Qadrim

Sening bir kunlik isitmang meni oʻringa mixlaydi. — Shuhrat, Shinelli yillar.

прибивать гвоздями

v nail

shegelew, shege qağıw, shegelep taslaw

vt annageln