МИРОВЫЕ НЕФТЯНЫЕ КОНГРЕССЫ

birinchi D.N.K. London shahrida 1933 yilda boʻlib oʻtdi (1250 delegat qatnashgan). Sobiq Ittifoq 1958 yildan ishtirok etgan. D.N.K.ning asosiy vazifasi — ilmiy-texnik va iqtisodiy maʼlumotlarni toʻplash va neft sanoatini rivojlanishiga hamkorlik qilishdir. Kongress (1951 yildan) har 4 yilda chaqiriladi. D.N.K.ga tayyorgarlik ishlariga Doimiy kengash (DK) prezidenti, bosh kotib va xazinachi (DK saylagan) hamda ijrochi boshqaruvchilar (IB) rahbarlik qiladi. DKga (kongress vaqtida majlis oʻtkazadi) har yili aʼzolik badalini toʻlaydigan davlatlar vakillari kiradi. Aʼzolik badali miqdori bir yilda qazib olinadigan va davlat miqyosida isteʼmol qilinadigan neft hajmidan kelib chiqib aniqlanadi. DK tarkibiga 16 aʼzo — turli davlat vakillari; 14 aʼzo — almashmaydigan davlatlar — D.N.K. tashkilotchilari va 2 aʼzo — almashinadigan, har 4 yilda qayta saylanadigan davlatlar kiradi. IB ishini DK prezidenti boshqaradi, u bir vaqtning oʻzida IB raisi ham hisoblanadi. Kongressning ilmiy dasturi komitet tomonidan ishlab chiqiladi. Komitet 9 davlat vakillaridan saylangan IBlardan tarkib topadi. Komitetning bosh kotibi va kotibi London shahrida faoliyat koʻrsatadi. D.N.K. prezidentlari: L.Pino (Fransiya, 1937—50), G.A.Shuntmaker (Niderlandiya, 1950—51), E.V.Myorfi (AQSH, 1951—59), S.Gibson (Buyuk Britaniya, 1959—64), Ye.Bokkelman (GFR, 1964—66), R.Navarr (Fransiya, 1966—67), F.Rossini (AQSH, 1967—75), V.Ilzeman (GFR, 1975 yildan beri)., Dunyo neft kongressi