МИНЕРАЛЬНЫЕ (ЛЕЧЕБНЫЕ) ВОДЫ

Минерал (шифобахш) сувлар — таркибида физиологик фаол моддалари бўлган ер усти ёки ер ости сувлари. Улар шифобахш хусусиятга эга бўлиб — даволаш ва ичимлик сувлари сифатида ишлатилади. Конлардан минерал сувлар булоқ, қудуқ, бург қудуқ, штолня (горизонтал ёки бироз қияроқ ковланган ер ости иншооти) ва бошқа иншоотлар орқали оқиб чиқади. Минерал сувлари конлари деганда, ер қаъридан ёки унинг юзаси (мас., минерал сувли кўл)дан истеъмол учун егарли миқдорда минерал сув олиш мумкин бўлган участкалар тушунилади. Олинадиган сув сифати халқ хўжалиги ва саноати, шунингдек, курорт-санатория қурилиши ва даволаш ишлари талабларига жавоб бериши лозим. Минерал шифобахш сувлар қуйидаги белгиларига қараб таснифланади: 1) умумий минераллашганлиги; 2) ион таркиби; 3) газ таркиби ва газга тўйинганлиги; 4) сувдаги фармакологик (терапевтик) фаол микроелементлар (минерал ва органик) миқдори; 5) радиоактивлиги; 6) рн миқдори билан тавсифланадиган сув реаксияси; 7) температураси.