МИНЕРАЛЬНЫЕ (ЛЕЧЕБНЫЕ) ВОДЫ

Mineral (shifobaxsh) suvlar — tarkibida fiziologik faol moddalari boʻlgan yer usti yoki yer osti suvlari. Ular shifobaxsh xususiyatga ega boʻlib — davolash va ichimlik suvlari sifatida ishlatiladi. Konlardan mineral suvlar buloq, quduq, burg quduq, shtolnya (gorizontal yoki biroz qiyaroq kovlangan yer osti inshooti) va boshqa inshootlar orqali oqib chiqadi. Mineral suvlari konlari deganda, yer qaʼridan yoki uning yuzasi (mas., mineral suvli koʻl)dan isteʼmol uchun yegarli miqdorda mineral suv olish mumkin boʻlgan uchastkalar tushuniladi. Olinadigan suv sifati xalq xoʻjaligi va sanoati, shuningdek, kurort-sanatoriya qurilishi va davolash ishlari talablariga javob berishi lozim. Mineral shifobaxsh suvlar quyidagi belgilariga qarab tasniflanadi: 1) umumiy minerallashganligi; 2) ion tarkibi; 3) gaz tarkibi va gazga toʻyinganligi; 4) suvdagi farmakologik (terapevtik) faol mikroelementlar (mineral va organik) miqdori; 5) radioaktivligi; 6) rN miqdori bilan tavsiflanadigan suv reaksiyasi; 7) temperaturasi.