мижғов

mijgʻov

1 та луғатда: Изоҳли яна 3 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

мижғов

сфт. 1. Бир ишни дадиллик билан қила олмайдиган; ланж, мағзава.

Бир мақсади ёʻқ, мужмал-у мижғов такасалтанг. — Ҳабибий

Ҳаётда унингдек иккиланувчи мижғов кишини кўрмаган эди. — Ш. Холмирзаев, Қил кўприк.

2. Хархашаси кўп; инжиқ.

Жайдари ғўзадай мижғов, расво экинни деҳқон боласи билмаса керак. — Ғ. Ғулом, Алимқулнинг қарзи

3. кам қўлл. Мижғиловчи, мижғилаб турувчи.

Фаттоҳ Улмасбоевнинг қорнида яна ўша эски мижғов оғриқ бошланди. — Ў. Усмонов, Сирли соҳил

Мижғов гап Аниқ, қатъий бўлмаган, дуд-мол (ланж, мужмал) гап. Мижғов гапни ёқтирмайдиган, бир сўзли бу заҳар полковникка муддаосини очиқ айтишга мажбур бўлди. — Ш. Тошматов, Эрк қуши