МЕХАНИЧЕСКОЕ ОБЕЗВОЖИВАНИЕ НЕФТИ

нефтни механик сувсизлантириш жараёни шартли равишда икки қисмга бўлинади: биринчиси — томчиларнинг йириклашуви, яъни бир-бирига яқинлашиши ва флоукуляцияси, сув томчиларининг зирҳ қобиқларида парчаланиши ва уларнинг ўлчамларини кейинчалик қўшилишига етарли даражада коагуляцияланиши; иккинчиси — катталашган томчиларнинг чўкиши. Гравитацион тиндириш нефтни сувсизлантиришнинг асосий методларидан бири ҳисобланади. Тиндириш, асосан, икки режимда бажарилади — узлуксиз ва даврий. Мос равишда улар узлуксиз ва даврий ишловчи тиндиргичларда амалга оширилади. Даврий тиндиргичлар ҳолида силиндрик тиндиргичлар — резервуарлар қўлланилади. Сувсизлантиришга мўлжалланган нефт резервуарга тақсимловчи қувур узатгичлар ёрдамида қуйилади. Тўлдирилган резервуарда сув чўкиб, унинг пастида йиғилади. Нефт эса резервуарнинг юқорисида тўпланади. Тиндириш тинч (ҳаракациз) ҳолатда амалга оширилади. Нефтни сувсизлантириш жараёни тугагандан сўнг нефт ва сув тиндиргичдан чиқариб олинади. Тиндирадиган резервуарлар ишида қониқарли натижага фақат нефтда сув эркин ёки юқори дисперсли беқарор эмулсия ҳолатида бўлганда эришилади. Узлуксиз гравитацион тиндиргичларда тиндириш жараёни суюқликнинг узлуксиз ҳаракат оқимида амалга оширилади. Узлуксиз тиндиргичлар горизонтал ва вертикал турларга бўлинади. Горизонтал тури ўз навбатида бўйлама ва радиал типга ажралади. Бир таркибли суюқликда сув томчисининг ҳаракатланиши, зичликлар фарқига кўра содир бўлади ва ўзига томчини эргаштирадиган оқим кучи юзага келади. Суюқликнинг тиндиргич бўйлаб ўтиш ёʻлининг узунлиги етарли даражада бўлганда ундан чиқишда эмулсияни ташкил қилган фазалар тўлиқ ажралади., Нефтни механик сувсизлантириш