МЕХАНИЧЕСКОЕ ОБЕЗВОЖИВАНИЕ НЕФТИ

neftni mexanik suvsizlantirish jarayoni shartli ravishda ikki qismga boʻlinadi: birinchisi — tomchilarning yiriklashuvi, yaʼni bir-biriga yaqinlashishi va floukulyatsiyasi, suv tomchilarining zirh qobiqlarida parchalanishi va ularning oʻlchamlarini keyinchalik qoʻshilishiga yetarli darajada koagulyatsiyalanishi; ikkinchisi — kattalashgan tomchilarning choʻkishi. Gravitatsion tindirish neftni suvsizlantirishning asosiy metodlaridan biri hisoblanadi. Tindirish, asosan, ikki rejimda bajariladi — uzluksiz va davriy. Mos ravishda ular uzluksiz va davriy ishlovchi tindirgichlarda amalga oshiriladi. Davriy tindirgichlar holida silindrik tindirgichlar — rezervuarlar qoʻllaniladi. Suvsizlantirishga moʻljallangan neft rezervuarga taqsimlovchi quvur uzatgichlar yordamida quyiladi. Toʻldirilgan rezervuarda suv choʻkib, uning pastida yigʻiladi. Neft esa rezervuarning yuqorisida toʻplanadi. Tindirish tinch (harakatsiz) holatda amalga oshiriladi. Neftni suvsizlantirish jarayoni tugagandan soʻng neft va suv tindirgichdan chiqarib olinadi. Tindiradigan rezervuarlar ishida qoniqarli natijaga faqat neftda suv erkin yoki yuqori dispersli beqaror emulsiya holatida boʻlganda erishiladi. Uzluksiz gravitatsion tindirgichlarda tindirish jarayoni suyuqlikning uzluksiz harakat oqimida amalga oshiriladi. Uzluksiz tindirgichlar gorizontal va vertikal turlarga boʻlinadi. Gorizontal turi oʻz navbatida boʻylama va radial tipga ajraladi. Bir tarkibli suyuqlikda suv tomchisining harakatlanishi, zichliklar farqiga koʻra sodir boʻladi va oʻziga tomchini ergashtiradigan oqim kuchi yuzaga keladi. Suyuqlikning tindirgich boʻylab oʻtish yoʻlining uzunligi yetarli darajada boʻlganda undan chiqishda emulsiyani tashkil qilgan fazalar toʻliq ajraladi., Neftni mexanik suvsizlantirish