МЕТАС (АКРИЛОВЫЙ СОПОЛИМЕР)

Metas (akrilli sopolimer) — temperaturasi 220°S gacha boʻlgan chuchuk, 180°S gacha boʻlgan minerallashgan burgʻilash eritmasining suv beruvchanligini pasaytirishga moʻljallangan reagent. M. gipan kabi tarkibida (0,5—1,0% dan koʻp) kalsiy va magniy xloridlari boʻlgan eritmalarda ishlatilmaydi. Bunday hollarda eritmaga M.ni qoʻshishdan avval undan kalsiy ionini choʻktirib olish zarur, buning uchun kalsinatsiyalangan soda yoki natriy sulfati bilan ishlov beriladi. M. samarasi 20% li natriy xlorli eritmaga 1% metas qoʻshilganda uning suv beruvchanligini pasayish miqdori (10 sm³ dan koʻp boʻlmasligi lozim) bilan baholanadi.