mesh

ot 1. Suv, qimiz va shu kabilar suyuq narsalar solib qoʻyiladigan, tashiladigan teri; sanoch.

Mangqishloqqa tushib, qozoqlar ovulidan bir mesh qimiz olib chiqishdi. — M. Mansurov, Yombi

Bitta jangchi chelakdagi suvni meshga avaylab quydi. — K. Yashin, Hamza

2. Oyoq kiyimi astari, supra va shu kabilar narsalar uchun ishlatiladigan joʻn qoʻy teri.

Xotin, qorilgan xamirni mesh supraga oʻrab, ustiga serpaxta koʻrpani yopgandan keyin, yerda turgan choʻyan obdastadan qoʻlini yuvmoqchi boʻldi. — S. Ayniy, Doxunda

3. koʻchma s.t. Meshga oʻxshash; doʻmboq, dumaloq (qoringa nisbatan).

Xoʻrandalar haqini urib, qorni koʻpchib mesh boʻldi. — Mushtum