Менестрель

Oʻrta asrlardagi sayyor ashulachi, muzikachi hamda bir vaqtning oʻzida shoir boʻlgan shaxslar. Menestrellar XIII—XIV asrlarda Angliya va Fransiyada keng tarqalgan edi. Ular trubadur (q.) lardan farqli oʻlaroq oʻzlari ijod qilgan asarlarni ham kuylab, chalib yurishgan. Qoʻshiq, sheʼr va hikoyalarni muzika joʻrligida ijro etishlari bilan esa jonglyorlardan farqlanganlar. Menestrellar feodal jamiyatiga mos keluvchi, hokim sinflar manfaatiga xizmat qiluvchi jimjimador, dabdabali mazmunga ega asarlarni koʻproq kuylar edilar. Shuning uchun ham ular folklor anʼanalaridan yiroq boʻlganlar. Menestrellar asosan qashshoqlashgan dvoryanlar orasidan chiqqan boʻlib, feodallar qoʻlida xizmat qilishgan. Ular feodallarning oilasini, ularning mol-mulkini madh etar, oʻz xoʻjayinlarini himoya qilishga otlangan ritsarlarga omad tilar, ularning gʻalabasini ol, menestrel