МЕЖПЛАСТОВАЯ НАПОРНАЯ ВОДА

ikki suv oʻtkazmaydigan qatlam orasidagi suv singiydigan jinslarda toʻplanadigan, sinklinal yoki monoklinal strukturalarda yuzaga keladigan suv. Suv singiydigan qatlamlar togʻli rayonlarda yer yuzasiga chiqqan boʻlsa, atmosfera suvlari ularga singiydi. Suvning singishi oʻz ogʻirlik kuchi taʼsirida amalga oshadi. Suv qatlam qiyaligi boʻyicha jins gʻovaklari orqali pastga qarab harakatlanadi, gʻovaklar va boʻshliqlarni toʻldiradi. Oʻz harakati davomida burmaning sinklinal qismidan antiklinal qismi tomon koʻtarila boshlaydi. Natijada bosim yuzaga keladi. Suvli qatlamning shipi va tagidagi jinslar oʻzidan suv oʻtkazmaganligi sababli suv bosimi vaqt oʻtishi bilan oshib boradi. Agar bunday suvli qatlam burgʻu quduq yordamida ochilsa, suv sathi quduq boʻylab yuqoriga koʻtarila boshlaydi, shuning uchun ham bosimli suv deb ataladi. Suvni barqarorlashgan sathi esa pezometrik sath deyiladi. Quduq boʻylab koʻtarilayotgan suv uning ogʻzidan favvora boʻlib otilib chiqishi, baʼzan quduqning maʼlum chuqurligida toʻxtashi mumkin., Qatlamlararo bosimli suv