matritsa

ot 1. tex. Metallurgiyada: metallarga bosim bilan ishlov berishda tayyorlanadigan buyum xomashyosi, chala tayyor nusxasini (choʻzib, yoyib, presslab va h. k.) kerakli shaklga kel-tirish uchun ishlatiladigan qolip (shtamp)-larning ish qismi.

2. poligr. Harf, raqam yoki belgining chuqur toʻgʻri tasviri tushirilgan, yaʼni literalar (harf yoki belgining boʻrtma tasviri), harf yoki satrni quyish uchun qolip boʻlib xizmat qiladigan metall plastinka yoki taxtacha.

Linotip matritsasi. Monotip matritsasi.

3. poligr. Matn va rasmlarning botiq tasviri tushirilgan, stereotiplar (yuqori bosma shakllari)ni tayyorlash, asarlarni qayta nashr etish, koʻp nusxali nashrlarni turli joylarda bosishda ishlatiladigan plastmassa varaq, taxta.

Kitobni matritsadan bosish.

Avval Pravda

va Izvestiya gazetalarigina Moskvadan olib kelinadigan matritsalardan bosilar edi. — I. Shogulomov, Yirik korxona

4. mat. Turli sonlar va matematik ifodalar joylashtirilgan satrlar va ustunlardan iborat toʻgʻri burchakli jadval.

Obyekt yoki maʼlumotlarning ikki oʻlchovli massivi. Matritsa ikki oʻlchovli tuzilma boʻlib, unda har bir element oʻzining muayyan qator yoki ustunda joylashishi boʻyicha aniqlanishi mumkin. m qatorlar va n ustunlar soniga ega boʻlgan matritsa mxn matritsasi deyiladi. Maʼlumotlarga ishlov berilganda turli vazifalar bajariladi, jumladan, teskarilash, matritsalarni koʻpaytirish amali. Matritsalar nafaqat maʼlumotlarga ishlov berishda, balki xotira qurilmalari, matritsaviy kommutatorlar, matritsaviy protsessorlar, matritsaviy printerlarni yaratishda ham ishlatiladi. Mantiqiy matritsalar ham keng qoʻllaniladi.inglizchamatrixruschaматрица