мантиқ

от 1. Тўғри тафаккур юритишнинг асосий қонунлари ва шакллари ҳақидаги фан.

Насриддин Тусий жабр, тиб ва мантиқ назарияси билимларининг бошқа соҳа,сири бўйича ҳам кўпгина китоблар ёзган. — Мирмуҳсин, Меъмор

2. Гап, фикр, ҳаракат ва шу кабиларнинг ақлга монандлиги, асослилиги.

Хотинининг бу гапи Бўтабой аканинг жон-жонидан ўтиб кетди, лекин бундаги кучли мантиқ тилини боғлади-ю, ҳеч нарса деёлмади. — А. Қаҳҳор, Қўшчи-нор

Студентлар ҳам қизиқ-да. Бир-бирларига ҳеч ақлга сиғмайдиган, мантиққа тўғри келмайдиган лақаблар қўйишади. — Ф. Мусажонов, Ҳиммат

3. Ички қонунийлик, қонуният.

Недир, недир ҳаёт мантиғи? Ўсиш, қариш қонуни нега? — М. Шайхзода

Мантиқ талаби шу эрур, шоҳим. — С. Сиёев, Ёруғлик