ЛОКАЛИЗАЦИЯ ПСИХИЧЕСКИХ ФУНКЦИЙ

psixik funksiyalarning lokalizatsiyasi; psixik funksiyalarning bosh miya yarim sharlari qobigʻidagi muayyan hujayralarning ishi bilan bogʻlanishi. Mas., koʻruv analizatorlarining ishi asosan miya qobigʻi ensa qismining faoliyati bilan bogʻlangan, eshitishniki esa chakka boʻlaklari bilan, teri-tuyush hamda harakat analizatorlariniki esa tepa va ensa boʻlaklari bilan bogʻlangan va hokazo. Har bir murakkab psixik protsess (oʻqish, yozish, hisoblash kab.) ning negizini muvaqqat nerv bogʻlanishlari orqali birlashgan bosh miya qobigʻi uchastkalarining birgalikdagi ishi tashkil qiladi. Shuning uchun ham bu uchastkalardan birortasining funksiyasi buzilsa, butun funksional sistema jarohatlanadi: yozuv qobiliyati miya qobigʻining chap chakka sohasining, ensa sohasining va, nihoyat, harakat sohasining funksiyalari buzilsa ham, jarohatlanishi mumkin.