litografiya

ot 1. Ohaktosh (litografik) toshga relyefsiz, litografiya toshi yoki qalami bilan tushirilgan bosma qolip; toshbosma; shunday toshbosmada matn bosish, chop etish usuli.

XX asr boshlarida litografiya usulida nashr etilgan bir necha bayozlarda Qosim devona taxallusli nomaʼlum shoirning yali-yaliradifli gʻazali uchraydi. — OʻTA

2. Shu usulda bosilgan matn yoki asar.

3. Shunday usulda matn nashr etadigan korxona yoki sex; toshbosmaxona.

Yangi ishlab chiqarish munosabatlarining mahsuli sifatida litografiya va bosmaxonalar vujudga keldi. — Gazetadan

1918 yil 29-martda Turkiston respublikasi Xalq komissarlari soveti Turkiston oʻlkasidagi barcha litografiyalarni natsionalizatsiya qilish toʻgʻrisida dekret qabul qildi. — Fan va turmush

4. Shu usulda rassomlar tomonidan yaratiladigan grafika asarlari.

n lithograph, lithographic industry