Литературное направление

Maʼlum tarixiy davrda oʻz ideologiyasi va tajribasi bilan bir-biriga yaqin turgan bir necha yozuvchilar ijodidagi gʻoyaviy-badiiy xususiyatlar — tema, gʻoya, badiiy tasvir prinsiplari va h. k. birligi. Har bir yoʻnalishning oʻziga xos gʻoyaviy-estetik prinsiplari, yaʼni programmasi, shu yoʻnalish vakillari ijodida bajarilishi shart boʻlganligi adabiy yoʻnalishning muhim belgisidir. Masalan, klassitsistlar ratsionalizm prinsipiga amal qilib, badiiy tasvirda uch birlikka rioya etganlar. Biroq bu klassitsistlar asarlarini maʼlum bir qolipga solib qoʻydi. Shuning uchun Jan Lafonten klassitsizm yoʻnalishiga, uning ijodiy prinsiplar jihatidan chegaralanishiga qarshi chiqdi. Adabiy yoʻnalish u yoki bu milliy adabiyotda maʼlum bir davrda yuzaga kelib, maʼlum bir davrda yoʻqoluvchi tarixiy hodisadir. Adabiy yoʻnalish bilan adabiy oqim tushunchalarini bir-biriga qorishtirib yubormaslik lozim. Bu ikki tushuncha bir-biridan keskin farqlanadi. Adabiy yoʻnalish adabiy oqimga nisbatan kengroq tushuncha boʻlib, u maʼlum bir davrda biror adabiyot doirasida harakat qiladi. Adabiy, adabiy yoʻnalish