Kuyun, uyurma, girdob

momoqaldiroqli bulutda yuzaga keladigan va pastga qarab, koʻpincha Yer yuzasiga qadar diametri oʻnlab va yuzlab metrga yetuvchi qora bulut yengi yoki xartum koʻrinishida tarqaladigan katta energiyaga ega atmosfera uyurmasi. Bulut bilan birgalikda harakatlanib, uzoq vaqt davom etmaydi. Q. tomonidan oʻrab olib ketilishdek bevosita xavfdan tashqari havoga koʻtarish hamda har tomonga uchayotgan daraxt shoxlari, payraxalar, toshlar, chang va h.k. jiddiy xavf kasb etadi. Quruqlik ustidagi Q. tromb (AQSHda – tornado) deb ham ataladi.