kumush

ot 1. Mendeleyev davriy sistemasining I guruhiga mansub kimyoviy element, oq-koʻkish rangli yaltiroq, asl metall.

Analitik ishlarning talaygina qismi ruda materiallaridan oltin, kumush, rux va boshqa nodir elementlarni aniqlash bilan bogʻliqdir. — Fan va turmush

2. Kumushdan ishlangan, kumush ishlatilgan.

Kumush tanga. Kumush barkash.

Mehmonxonasidagi ikki kumush qandil porillab yonib turibdi. — K. Yashin, Hamza

3. koʻchma Kumushga nisbat bildiradi.

Kumush tola,

Tashlandiq tegirmonning chirik novidan suv mayda kumush tomchilarni sachratib, guvullab otiladi. — Oybek, Tanlangan asarlar

4. Kumush (xotin-qizlar ismi).