кумуш

от 1. Менделеев даврий системасининг И гуруҳига мансуб кимёвий элемент, оқ-кўкиш рангли ялтироқ, асл металл.

Аналитик ишларнинг талайгина қисми руда материалларидан олтин, кумуш, рух ва бошқа нодир элементларни аниқлаш билан боғлиқдир. — Фан ва турмуш

2. Кумушдан ишланган, кумуш ишлатилган.

Кумуш танга. Кумуш баркаш.

Меҳмонхонасидаги икки кумуш қандил пориллаб ёниб турибди. — К. Яшин, Ҳамза

3. кўчма Кумушга нисбат билдиради.

Кумуш тола,

Ташландиқ тегирмоннинг чирик новидан сув майда кумуш томчиларни сачратиб, гувуллаб отилади. — Ойбек, Танланган асарлар

4. Кумуш (хотин-қизлар исми).