kuchuk

ot 1. Itning bolasi; yetilmagan yosh it.

Kim, kuchuk birlan xoʻtikka qancha qilsang tarbiyat, It boʻlur, eshak boʻlur, boʻlmaslar aslo odami! Uygʻun va I. — Sulton, Alisher Navoiy

2. s. t. Umuman it.

Nuri ayvonga yaqinlashgach, tuproqqa qorishib yotgan katta, paxmoq kuchuk zanjirini shaldiratib, oʻrnidan turdi. — Oybek, Tanlangan asarlar

3. Itga nisbatli haqoratni bildiradi.

Hovli supuruvchi bola suv sepmay changitib yuborgani uchun, Ablah, kuchuk! deb qoʻydi. — A. Qodiriy, Mehrobdan chayon

Madrayimxonning izidan kuchuklar koʻp. — S. Siyoyev, Yorugʻlik