кучсиз

сфт. 1. Жисмоний қобилияти паст, куч-қуввати нисбатан оз; заиф.

— Бурнидан торца йиқиладиган, кучсиз, хунуккина киши — баззоз Абдулхолиқбой — қошини чимириб, ингичка, хотинчалиш овози билан гапга аралашди. — Ойбек, Танланган асарлар

2. Бирор иш қилиш ёки ишлаб чиқариш қобилияти, қуввати бошқалардан паст, оз; қуввациз.

Кучсиз мотор.

3. Иқтисодий жиҳатдан камқувват, ҳол-қудрати нисбатан паст, оз.

Ҳукуматга чап бериб, кучсиз хўжаликларнинг баданига зулукдай ёпишиб олган мана шунақа одамларнинг танобини тортиш керак. — А. Қаҳҳор, Қўшчинор чироқлари

4. Таъсир кучи паст; бўш.

Кучсиз дори.

5. Зуҳур этиш даражаси паст, оз; секин ёки суст юз берадиган; заиф.

Кучсиз овоз. Кучсиз шамол. Кучсиз портлаш.

Дўллар тўғрисидаги бешинчи чироқ; титраб-титраб, ун гарди ўтирган кичкина шишасидан хира, кучсиз нур сочиб туради. — А. Қодирий, Обид кетмон

Кампир кучсиз хуррак торта бошлади. — Ойбек, Танланган асарлар

6. Ўз иш-ҳунарини яхши билмайдиган, қобилияти паст; бўш.

Тўртинчи синфнинг ҳаммаси энг яхши ўқийдиган болалар бўлса ҳам, ўқишда ҳамма дарслардан кучсиз, русчадан эса ҳеч тайёрламайдиган Мирзажон Латифий деган ҳам бор эди. — П. Турсун, Ўқитувчи

7. с. т. Таркибида ўғит моддалари кам; унумсиз, ориқ.

Ер кучсиз бўлганидан кейин, дармонсиз танга ёпишади-да ҳар хил дард. — С. Нуров, Нарвон

8. Кам калорияли, енгил.

Кучсиз овқат.

1. schwach, schlaff

2. (бўш)lose, locker

3. (касал)schwächlich, kränklich, gebrechlich

4. (ёмон)schwach, schlecht, mittelmäßig

5. (ингичка, нозик)dünn, leicht, schwach

а powerless, helpless, weak, feeble

kúshsiz, kúshi joq, ázzi

weak, delicate, faint, loose, poor.