КОРРОЗИОННЫЕ СВОЙСТВА ВОД

yer osti suvi va suvli eritmalarning kimyoviy taʼsiridan togʻ jinslarining, quvur va burgʻilash asbob-uskunalarining yemirilishi. Neft olish chogʻida ozmi-koʻpmi suv ham birga chiqadi. Suv asbob-uskunalar, quvur, saqlagich va sh.k. bilan reaksiyaga kirishadi. Ayniqsa suv tarkibida vodorod ionining koʻpligi, erigan gazlardan: kislorod, vodorod sulfid, karbonat angidrid gazi va xlorli tuzlarning boʻlishi hamda suv haroratining yuqoriligi uning korrozion xususiyatlarini kuchaytirib yuboradi. Suvda erigan ishqoriy tuzlar va asoslar vodorod ionlari konsentratsiyasini kamaytiradi va oʻz navbatida S.k.x.ning pasayishiga olib keladi. Agarda suvda erigan kislorod miqdori kam boʻlsa uning korrozion shiddati keskin pasayadi, rN > 4,5 boʻlib, erigan kislorod boʻlmasa S.k.x. butunlay sezilmaydi. S.k.x. sezilarli darajada boʻlganda metallar yuzasi himoya vositalari bilan qoplanishi darkor. Ayrim hollarda kon sanoati qurilmalari maxsus tayyorlangan poʻlatlardan yoki kimyoviy turgʻun qotishmalardan yasaladi., Suvlarning korroziya xususiyatlari