КОМПЛЕКС ГЕОФИЗИЧЕСКИЙ

fizik asoslari b-n farq qiluvchi, ayrim geologik masalalarni hal etishga moʻljallangan, mufassal oʻrganish va ketma-ket bajarilishi b-n ajralib turuvchi geofizik usullar majmuasi. G.m. quyidagi masalalarni hal qiladi: 1. Burgʻilash ishlari olib borilayotgan maydonning geologik tuzilishini oʻrganish: a) quduq kesimidagi jinslarning litologik tarkibini aniqlash; b) ayrim qatlam va stratigrafik gorizontlarning chegarasini belgilash; v) foydali qazilmalar borligini va sanoat ahamiyatiga molik ekanligini baholash. 2. Burg quduqlarning texnik holatini va ularda bajarilayotgan texnologik operatsiyalar (burgʻilash, qatlamlarni sinash, quvurlarni mustahkamlash va h.k.)ni nazorat qilish. 3. Konlarning ishlatishini nazorat qilish. 4. Quduq kesimidagi togʻ jinslardan va qatlam flyuidlaridan namunalar olish va qatlam bosimini aniqlash. 5. Mustahkamlovchi quvurlar birikmasini perforatsiyalash va torpedalash. Bu ishlar yordamida qatlam va quduq oʻzaro aloqasi yoʻlga qoʻyiladi, hamda halokatga olib keladigan jarayonlar bartaraf etiladi. G.m. yordamida yechiladigan geologik vazifa, oʻrganilayotgan kesimni geologik va geofizik tavsifi, oʻrganilgan darajasi quduqda bajaradigan oʻlchash ishlari sifatiga bogʻliq. G.m. geofizik korxona (ekspeditsiya)ning, Geofizik majmua