Кольцо

takroriy doira. Epik asarning boshlanishidagi ayrim epizodlarning asar oxirida takror keltirilishi; lirikada esa misra boshidagi ayrim elementlarning misra soʻngida yoki sheʼr boshlanishidagi ayrim misralarning sheʼr soʻngida takrorlanib kelishi. Lirikadagi takroriy doiralar oʻz xarakteriga qarab tovush, soʻz yoki sintaktik birlik shaklida boʻlishi mumkin. Masalan, soʻz takrori vositasida bir sheʼriy misrada yuzaga kelgan doira: Boʻron turayotibdi, tashqarida doʻl-boʻron, Yollarini hurpaytirib chopar boʻron otlar... (H. Xudoyberdiyeva) Sheʼr boshlanishidagi misraning sheʼr oxirida takror qoʻllanishi natijasida yuzaga kelgan takroriy doira sheʼriyatimizda juda koʻp uchraydi. Chunki takroriy doira shoirga oʻz tuygʻularini, fikrlarini keng bayon etish, asosiy poetik tezisni taʼkidlash imkonini beradi.

halqa