КЛАССИФИКАЦИЯ БУРОВЫХ ДОЛОТ

dolotalar ikki asosiy belgiga: vazifasi; jinsga taʼsir etishi va konstruksiyasining xususiyatlariga koʻra tayyorlanadi. Vazifasiga qarab uch sinfga boʻlinadi: yoppasiga, kolonkali va maxsus maqsadda burgʻilash. Suyuqlik bilan yuvish yoki havo bilan puflaydigan moslamali dolotalar yordamida yoppasiga burgʻilash uchun sharoshkali, parrakli, olmosli va frezerli xillaridan foydalaniladi. Halqa tubli burgʻilash usulida kern oluvchi kolonkali dolotalar burgʻi boshchasi, kernuzgich, kernushlagich, kolonkali quvur (gruntonos), klapan va qobiqdan iborat. Maxsus dolotalar (nayzasimon, kesadigan, kengaytirgichlar va b.) parrakli, sharoshkali va olmosli qilib tayyorlanadi. Togʻ jinsiga taʼsir etishiga qarab dolotalar toʻrt sinfga boʻlinadi: maydalaydigan, maydalaydigan-parchalaydigan, ishqalab maydalaydigan-kesadigan, kesadigan-parchalaydigan. Maydalaydigan va maydalaydigan-parchalaydigan dolotalarga sharoshkali burgʻilash dolotalari va burgʻilash boshchalari mansub. Ishqalab maydalaydigan-kesuvchi-larga olmosli ISM (oʻta qattiq materiallar instituti) dolotalari, oʻta qattiq «slavutich» mustahkamlangan shtirli, frezerli va burgʻilash boshchalari taalluqli. Kesadigan-parchalaydigan sinfga parrakli dolotalar, ikki, uch va koʻp parrakli burgʻi boshchalari, turli materialdan tayyorlangan kesuvchi dolotalar kiritilgan., Burgʻilash dolotalari tasnifi