kiymoq

киймоқ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

kiymoq

fl. 1. Kiyim bilan badanni yoki biror aʼzosini yopmoq; kiyiladigan narsa (kiyim)ni tanaga, tanadagi aʼzoga yopmoq, qoʻymoq, ilmoq.

Koʻshak kiymoq. Doʻppi kiymoq. Etik kiymoq. Palto kiymoq. Niqob kiymoq. Qoʻlqop kiymoq.

Qiz tugunini qoʻltiqlab, hovliga tushdi. Kavushini kiymadi. Yalang oyoq ship-ship yurib ketdi. — Oybek, Tanlangan asarlar

Gʻulomjon apil-tapil kiyimlarini kiydi, oyoqlariga kovushlarini ildi sharpasiz qadamlar bilan darcha oldiga keldi. — M. Ismoiliy, Fargʻona tong otguncha.

2. etn. Hadya kiyimi olmoq.

Sharmsizdir yuzlari, Oshga toʻymas koʻzlari, Toʻyga borib, toʻn kiymoq Hamon fikr-u soʻzlari. — Hamza

3. koʻchma Oʻranmoq, qoplanmoq, burkanmoq (oʻt-oʻlan, gul va shu kabilar bilan).

Bahorning dastlabki kunlari: qishloq yashil libos kiygan. — N. Safarov, Xadicha Ahrorova

Dunyoni gullarning xushboʻy hidi tutadi, gulshan-u bogʻlar qizil sarpo kiyadilar. — Gazetadan

Toʻnini teskari kiymoq Otabekning alanglab javob berishi Zaynabning boyagi daʼvosini chinga chiqargandek boʻlib, Kumush juda ham toʻnini teskari kiydi. — A. Qodiriy, Oʻtgan kunlar

Oʻzbekcha-turkcha izohli lugʻat

KIYMOQ

Kiyim bilan badanni yoki biror aʼzoni yopmoq.GİYMEK

Ruscha-oʻzbekcha va oʻzbekcha-ruscha lugʻat

kiymoq

надевать (на себя)