Киноповесть

Киношуносликнинг ўзига хос терминларидан бири бўлиб, киноновеллага нисбатан мураккаб ва кенгроқ эпикликка эга бўлган кино асари. Киноповестда персонажлар миқдори, уларга хос характер хислатлари батафсилроқ ёритилади. Шунинг учун ҳам киноповестнинг композицияси мураккаб характерга эга бўлади. Кейинги йилларда бу терминдаги асосий урғу повестга қаратилмоқда. Чунки айрим ёзувчилар кинематография терминларини қўллаган ҳолда махсус ссенарий (қ.) шаклида повестлар яратмоқдалар. Киноповест терминини бирор авторнинг кино санъати учун ёзган ссенарий характеридаги асарига ёки соф адабий жанр бўлмиш повестларнинг экранлаштирилган вариантларига нисбатан қўллаш мақсадга мувофиқдир. Масалан, Ойбекнинг «Шон ёʻли» киноповести, Ч. Айтматовнинг «Жамила», «Мен Тяншанман» каби асарлари киноповестнинг ёрқин намуналари саналади., киноповест