{"headword": "Киноповесть", "key": "kinopovest", "entries": [{"dictionary": {"name": "Толковый словарь литературоведческих терминов", "title": "Адабиётшунослик терминларининг русча-ўзбекча изоҳли луғати", "kind": "Терминологический", "imprint": "Хотамов, Н.; Саримсоқов, Б. (1979). Адабиётшунослик терминларининг русча-ўзбекча изоҳли луғати. Tashkent: Ўқитувчи.", "url": "https://til.uz/lugatlar/adabiyotshunoslik-terminlarining-ruscha-ozbekcha-izohli-lugati/", "page": "131"}, "pos": "", "labels": [], "variants": [], "etymology": "", "phraseology": "", "pronunciation": "", "senses": [{"order": 1, "text": "Kinoshunoslikning oʻziga xos terminlaridan biri boʻlib, kinonovellaga nisbatan murakkab va kengroq epiklikka ega boʻlgan kino asari. Kinopovestda personajlar miqdori, ularga xos xarakter xislatlari batafsilroq yoritiladi. Shuning uchun ham kinopovestning kompozitsiyasi murakkab xarakterga ega boʻladi. Keyingi yillarda bu termindagi asosiy urgʻu povestga qaratilmoqda. Chunki ayrim yozuvchilar kinematografiya terminlarini qoʻllagan holda maxsus ssenariy (q.) shaklida povestlar yaratmoqdalar. Kinopovest terminini biror avtorning kino sanʼati uchun yozgan ssenariy xarakteridagi asariga yoki sof adabiy janr boʻlmish povestlarning ekranlashtirilgan variantlariga nisbatan qoʻllash maqsadga muvofiqdir. Masalan, Oybekning «Shon yoʻli» kinopovesti, Ch. Aytmatovning «Jamila», «Men Tyanshanman» kabi asarlari kinopovestning yorqin namunalari sanaladi.", "examples": []}], "translations": [], "cross_references": [], "extra": {"raw_word": "Киноповесть", "raw_meaning": "киноповесть. Киношуносликнинг ўзига хос терминларидан бири бўлиб, киноновеллага нисбатан мураккаб ва кенгроқ эпикликка эга бўлган кино асари. Киноповестда персонажлар миқдори, уларга хос характер хислатлари батафсилроқ ёритилади. Шунинг учун ҳам киноповестнинг композицияси мураккаб характерга эга бўлади. Кейинги йилларда бу терминдаги асосий урғу повестга қаратилмоқда. Чунки айрим ёзувчилар кинематография терминларини қўллаган ҳолда махсус сценарий (қ.) шаклида повестлар яратмоқдалар. Киноповесть терминини бирор авторнинг кино санъати учун ёзган сценарий характеридаги асарига ёки соф адабий жанр бўлмиш повестларнинг экранлаштирилган вариантларига нисбатан қўллаш мақсадга мувофиқдир. Масалан, Ойбекнинг «Шон йўли» киноповести, Ч. Айтматовнинг «Жамила», «Мен Тяньшанман» каби асарлари киноповестнинг ёрқин намуналари саналади."}}]}