кибернетика

от 1. Бошқарув жараёнлари ҳамда машиналар, тирик организмлар ва жамиятда ахборот-маълумот узатишнинг умумий қонуниятлари ҳақидаги фан.

Техникавий кибернетика. Иқтисодий кибернетика. Тиббиёт кибернетикаси.

Кибернетиканинг техник асосини электрон ҳисоблаш машиналари ташкил этади. — Ўзме

2. Информатикада: ахборот-маълумот олиш, сақлаш ва уни қайта ишлашнинг умумий қонунлари ҳақидаги фан.

Табиат ва жамиятда бошқарув ҳамда алоқа ҳақидаги фан. Кибернетика табиатнинг ва жамиятнинг мураккаб обектларига, уларнинг ташкил бўлиш усулидан қатъий назар, бошқарувчи ва бошқариладиган элементлардан ташкил топган, улар орасида тўғри ва тескари ахборот алоқаси мавжуд бўлган катта кибернетик тизим деб қарайди. Компютерлар яратилиши ва ривожланиши билан кибернетик ёндашув кенг татбиқ қилина бошлади. Бу кибернетика қатор илмий ёʻналишларнинг юзага келишига олиб келди: - Дискрет математикага асосланган назарий кибернетика. У бошқариш назарияси ва ахборот назарияси билан шуғулланади. - Техник кибернетика. У бошқаришнинг автоматлаштириш воситалари, шу жумладан, компютерлар ва автоматлаштирилган бошқариш тизимлари билан шуғулланади. - Биологик кибернетика. У биологияда ва тиббиётда кибернетика ғояларидан фойдаланади. - Иқтисодий кибернетика. У иқтисодий жараёнларнинг математик моделларини яратиш ва иқтисодий ҳисобларда компютерлар қўллаш билан шуғулланади. - Ижтимоий кибернетика кишилик жамиятида бўладиган турли жараёнларни бошқариш учун математика моделларини қуради ва ўрганади. Кибернетик тизимлар мисоллари: техникадаги автоматик ростлагичлар, компютерлар, инсон мияси, биологик популяциялар, кишилик жамияти. Ҳар бир бундай тизим ахборотни идроклай, хотиралай ва қайта ишлай оладиган, ҳамда ахборот алмаша оладиган ўзаро боғланган обектлар тўпламидан иборат. Кибернетика қўйган кўпгина масалалар билан ҳозирги кунда информатика ва ахборот технологиялари соҳаси шуғулланмоқда. Ўзбекистонда Ҳисоблаш марказига эга бўлган Ўзр ФА Кибернетика институти академик Восил Қобулович Қобулов ташаббуси билан 1966 йилда ташкил этилган ва юқорида келтирилган барча ёʻналишларда актив тадқиқотлар олиб борган.инглизчаcyberneticsрусчакибернетика

н cybernetics

cybernetics.