кескин

сфт. 1. Узил-кесил тарздаги, қатъий.

Кескин мулоҳаза. Кескин эътироз. Кескин жавоб бермоқ.

Султон Али Мирзо Хўжа Яҳёга қарши кескин чора кўролмайди. — П. Қодиров, Юлдузли тунлар

Армани уста қора лавҳадаги сўзларни ўчириб, қайта ёзишдан кескин бош тортди. — Н. Аминов, Суварак

Жуман жуда кескин гапирмасдан, фикрларини эҳтиёт билан, мулоҳаза шаклида айтишга қарор қилди. — А. Мухтор, Туғилиш

2. Жиддий ва тубли тарзда.

Тартибни бузишлар кескин камайди.

Шўрланган тупроқлар қишлоқ хўжалик экинларининг ҳосилдорлигини кескин пасайтириб юбориши ҳаммага маълум. — Газетадан

Ёш келин-куёв орасида аввалги хаёлий орзу билан ҳозирги аҳволнинг кескин фарқидан келиб чиққан нохуш бир мураккаблик борлигини Ойша бегим ҳам пайқар ва ич-ичидан изтироб чекарди. — П. Қодиров, Юлдузли тунлар

3. Ҳал этилиши оғир, катта куч ва эҳтиётлик талаб этувчи; жиддий; ҳал қилувчи.

Абдурасул кескин курашга тайёрланиш кераклигини тушунди. — П. Турсун, Ўқитувчи

4. Тез юз берувчи ва кучли, шиддатли, қаттиқ (овоз, шамол ва шу кабилар ҳақида).

Ёʻлчи кўчага чиқиши билан кескин совуқ шамол қулоқларида ғувуллаб, игнадай ўткир, майда қор парчаларини унинг юзига урди. — Ойбек, Танланган асарлар

5. рвш. Жуда тез; бирдан, шартта.

Ўктам ўзини чўл хўжайини сезиб, теваракка қарчиғай боқиш билан аланглаб, отини истаган ёққа кескин бурар эди. — Ойбек, Олтин водийдан шабадалар.

Исломхўжа кескин бурилиб, фойтунга қараб юрди. — С. Сиёев, Аваз

1. Узил-кесил тарздаги, қатъий.KESİN

2. Ҳал этилиши оғир, катта куч ва эҳтиётлик талаб этувчи.

3. Жиддий; ҳал қилувчи.

• (ҳаракат) hastig, heftig
• (сўз) scharf, schroff, heftig

(вазият)gespannt, zugespitzt

резкий, обострённый, решительный, категорический, ожесточённый, резко, остро, ожесточенно, решительно

а sharp, acute, keen, intense

1. keskin, úzil-kesil, qatań

2. kúshli, qattı

3. birden, júdá tez

sharp, blunt, abrupt

тенденсия кескин узгарди the tendency was reversed.