кенглик

от 1. Эн ўлчами, сатҳнинг катталиги.

Шаҳарнинг кенглиги. Уйнинг кенглиги. Кўчанинг кенглиги.

Майдон икки таноб кенгликда бўлиб, жануби қутидор ва қўшнисининг иморатлари ҳам шунга ўхшаш иморатлардан иборат эди. — А. Қодирий, Ўтган кунлар

Бу жой тепалик ўртасида бўлиб, кенглиги ярим гектардан ортиқ эмас эди. — И. Раҳим, Чин муҳаббат

2. Очиқ, кенг бўшлиқ.

Заргаров ўша томонга, олис уфқларга ястаниб ётган кенгликларга тикилганча қолди. — А. Мухтор, Бўронларда бордек ҳаловат

Йигирмадан ортиқ ёш чавандозлар тоғ бағридаги кенгликда у ёқдан-бу ёққа қувлашар эди. — Мирмуҳсин, Меъмор

3. геогр. Экватордан меридиан бўйлаб кетган ва градуслар билан ифодаланган масофа (ердаги пунктлар ўрнини белгилаш учун хизмат қилади).

экватордан меридиан бўйлаб градусларда ўлчанадиган масофа.

ширина, широта, ширь, простор

н width, breadth, latitude

keńlik

Breite f, Weite f

width, breadth

• ҳудудий сувларнинг кенглиги width of the territorial waters.

latitude.