Каса

Ўрта асрлар корейс поезиясининг асосий жанрларидан бири бўлиб, у банд тузилишига эга бўлмаган мисралардан иборат бўлган. Шунинг учун ҳам уларнинг ҳажми бир неча мисрадан тортиб бир неча юз мисрага қадар чўзилган. Касалар ритмик прозага ўхшаб кетади ва уларда эпик тасвир кенг, тафсилий характер ғоят кучли бўлади. Шунинг учун ҳам каса корейс повестининг вужудга келиши ҳамда ривожида катта рол ўйнади. Касалар ҳам авторли, ҳам аноним яратилиши мумкин. Улар куй билан ижро этилмайдилар. Аноним касалар мазкур жанрнинг кейинги тараққиёт босқичларига хос бўлиб, кюбан каса — аёллар касаси, кихен каса — ёʻлдаги хотиралар касаси деб юритилади. Шунингдек, тарихий воқеа-ҳодисалар тасвирига бағишланган касалар ҳам мавжуд., каса