Каса

Oʻrta asrlar koreys poeziyasining asosiy janrlaridan biri boʻlib, u band tuzilishiga ega boʻlmagan misralardan iborat boʻlgan. Shuning uchun ham ularning hajmi bir necha misradan tortib bir necha yuz misraga qadar choʻzilgan. Kasalar ritmik prozaga oʻxshab ketadi va ularda epik tasvir keng, tafsiliy xarakter gʻoyat kuchli boʻladi. Shuning uchun ham kasa koreys povestining vujudga kelishi hamda rivojida katta rol oʻynadi. Kasalar ham avtorli, ham anonim yaratilishi mumkin. Ular kuy bilan ijro etilmaydilar. Anonim kasalar mazkur janrning keyingi taraqqiyot bosqichlariga xos boʻlib, kyuban kasa — ayollar kasasi, kixen kasa — yoʻldagi xotiralar kasasi deb yuritiladi. Shuningdek, tarixiy voqea-hodisalar tasviriga bagʻishlangan kasalar ham mavjud., kasa