КАРТА ПОВЕРХНОСТИ ГРУНТОВЫХ ВОД

bir xil mutlaq balandlikdagi grunt suvlari sathini birlashtiruvchi izogips chiziqlarini xaritada ifodalash. Suv bilan taʼminlash, melioratsiya, turli inshootlarni qurish va boshqa maqsadlarda grunt suvlari sath chuqurligini aniqlash va xaritada tasvirlash muhim ahamiyat kasb etadi. Grunt suvlari sathi burgʻ quduqlardan, shurflardan, quduqlardan, buloqlardan maxsus asboblar yordamida oʻlchash orqali aniqlanadi. Oʻlchovlar hamma joylarda bir vaqt (kun, oy, mavsum)da olib boriladi. Soʻngra yer osti suvlari sathini mutlaq yoki nisbiy balandligi quyidagi formula yordamida hisoblab topiladi: $\text{H}_\text{c} = \text{H}_\text{yu} - \text{h}$, bunda $\text{H}_\text{c}$ — ushbu joydagi suv sathining mutlaq balandligi; $\text{H}_\text{yu}$ — ushbu joydagi yer yuzasining mutlaq balandligi; $\text{h}$ — ushbu joydagi suvning yotish chuqurligi. Grunt suvlari balandligi topografik xaritaga tushiriladi va unda suv yuzasi boʻyicha gidroizogips chiziqlari deb ataluvchi chiziqlar chiziladi. Gidroizogips chiziqlari xarita masshtabiga va joyning tekisnotekisligiga muvofiq 0,5; 1,0; 2,0 va 5,0 m va boshqa oraliqlarda oʻtkaziladi. Gidroizogips xaritasi yordamida quyidagilar aniqlanadi:, Grunt suvlari yuzasi xaritasi