КАРОТАЖ ИНДУКЦИОННЫЙ (ИК)

oʻzgaruvchan tokdan foydalanishga asoslangan elektr karotaj turi. Generator, fokuslovchi va qabul qiluvchi gʻaltaklar — IK apparatining asosiy qismi hisoblanadi. Generator gʻaltaklaridan oʻtgan 20—60 kgs chastotali oʻzgaruvchan tokning $\text{H}_1$ magnit maydoni zond atrofida elektr yurituvchi kuch EYUK hosil qiladi. Bu kuch tufayli hosil boʻlgan uyurma (girdob, burama) toklar $\text{H}_2$ magnit maydonini hosil qiladi. Bu magnit maydoni oʻz navbatida qabul qiluvchi gʻaltakda EYUK hosil qiladi. EYUKning kattaligi togʻ jinslarining oʻtkazuvchanliklariga toʻgʻri mutanosibdir. IK kam minerallashgan yoki yomon oʻtkazuvchan (neft asosli) burgʻilash eritmasi b-n toʻldirilgan quduqlarda oʻtkaziladi va solishtirma qarshiliklari 50 om $\cdot$ m dan kichik togʻ jinslarini samarali oʻrganishni taʼminlaydi. IK apparatining AIK-4, AIK-5, AIK-M va IK-AGAT turlari mavjud., Induksion karotaj (IK)