Канонический текст

Tekstologiyada avtor tomonidan qayta ishlangan mazkur asarning boshqa qoʻl yozmalari bilan solishtirib toʻldirilgan va butun nashrlar uchun asos boʻladigan matn shu termin bilan yuritiladi. Shuning uchun ham barqaror tekst koʻpincha tanqidiy matn asosida yuzaga keladi. Barqaror tekst tayyorlanishi uchun matnshunos mazkur asarning mavjud qoʻl yozmasini, chop etilgan nusxalarini qiyosiy oʻrganib chiqadi va bevosita avtorning oʻzi eng oxirgi marta koʻchirib chiqqan tekstni asosga olgan holda uni tuzib chiqadi. Biroq tekst variantlari oʻzaro chogʻishtirilganda, aniqlangan farqlar nashr soʻngida qayd etilishi lozim. Sovet matnshunoslari barqaror tekstlarni yaratish boʻyicha diqqatga sazovor koʻp ishlarni amalga oshirdilar. Bularga Nekrasov, Dostoyevskiy asarlarining mukammal nashrlari yaqqol misol boʻla oladi. Oʻzbek tekstologlaridan Porso Shamsiyevning Alisher Navoiy «Xamsa»si, «Boburnoma», Hamid Sulaymonning «Xazoyinul-maoniy» yuzasidan yaratgan ishlari diqqatga sazovor. Hozir esa oʻzbek yozuvchisi Muso Toshmuhammad oʻgʻli Oybek asarlarining 19 tomdan iborat mukammal nashri amalga oshirilmoqda., barqaror tekst, asosiy tekst