kalta

калта

6 ta lugʻatda uchraydi JSON Shevalarda Barcha qidiruv natijalari

Izohli lugʻat

kalta

sft. 1. Uzunlik oʻlchami kichik; qisqa.

Kama shim. Kalta qalam. Kalta ip bogʻlovga yetmas. — Maqol

Simni kalta kesmoq.

Maston kalta, ammo yoʻgʻon ikki oʻrim sochini boshiga oʻradi-da oyogʻidagi agʻdarma etikni koʻzdan kechirdi. — A. Qahhor, Maston

2. Uzunligi nisbatan kam, yetarli emas; qisqa.

Uning ipak sallasi nozik qilib oʻralgan, kalta yengli ipak abosi oʻziga juda yopishib turadi. — P. Qodirov, Yulduzli tunlar

Arslon ham egasining buyrugʻini kutayotganday, kalta dumini qimirlatib — S. Anorboyev, Oqsoy

3. Vaqt nuqtai nazaridan qisqa, tez tugaydigan, uzoq davom etmaydigan.

Kalta kun.

Soat ketidan soat oʻta berdi. Kalta kuz kuni ogʻdi. — S. Anorboyev, Oqsoy

Bu gaplashuv ham kaltagina savol-javobdan iborat boʻldi. — Choʻlpon, Kecha va kunduz

Ingichka va yoʻgʻon, kalta va choʻziq tovushlar kekirdaklari uzilib ketmaydimi bu xoʻrozlarning? — I. Rahim, Ixlos

Gapni kalta qilmoq Gapni choʻzmaslik. Ammo inson qalbini shilliq qurtdek kemirib tashlaydigan gumon va shubha ich-ichini kemirayotganidan ijirgʻandi, sezdirib qoʻymaslik uchun gapini kalta qildi. — S. Karomatov, Oltin qum
Kalta oʻylamoq Yaxshilab, pishiq qilib oʻylamaslik, yuzaki oʻylamoq. Ayb oʻzimda. Kalta oʻylabman. Toʻy boʻlmaydi. — Oybek, Oltin vodiydan shabadalar.
Qoʻli kalta Imkoniyati cheklanganlikni, ilojsizlikni bildiradi. Oʻylab qarasam, doʻppi tor ekan... kattaroq ish qilishga qoʻlimiz kalta ekan. — I. Rahim, Ixlos