кабинет

от 1. Иш учун ажратилган махсус хона.

Олимнинг кабинети.

Саттор Усмонов, ёш болани етаклагандек, Ёқубжонни бош инженер кабинетига бошлаб кирди. — Н. Сафаров, Чўл лочини

Бу йил завод касаба уюшмаси комитети кабинети тўла ремонтдан чиқарилди. — Газетадан

2. Корхона, муассаса ва шу кабиларда масъул лавозимли раҳбар ўз вазифасини бажарадиган хона.

Муроджон Тожибоевнинг ҳашаматли кабинети-ю олиб юрадиган машинаси ёʻқ. — Газетадан

Раис стол орқасидан чиқди, кабинет эшиги олдидаги бўш жойда қўлларини орқасига қилиб, у ёққа-бу ёққа юра бошлади. — С. Анорбоев, Оқсой

3. Муассаса, корхона ва бошқалар илмий, амалий ва шу кабилар ишларни олиб бориш, ўтказиш учун жиҳозланган, мосланган ва хосланган хона.

Ўқув кабинети. Рентген кабинети.

Замонавий мураккаб асбоб-ускуналар, ўқув қуроллари билан жиҳозланган кабинетлар бўлажак мутахассислар ихтиёрида. — Газетадан.

Биринчи марта аллергия билан касалланган бемор дарҳол аллергологик кабинетга мурожаат қилиши керак. — Фан ва турмуш

4. Баъзи давлатларда министрлар (вазирлар) ҳайъати, ҳукумат таркиби; ҳукумат.

Министрлар кабинети. Кабинетни тарқатиб юбормоқ.

н study, consulting room, study- room, office

study, cabinet