kabinet

ot 1. Ish uchun ajratilgan maxsus xona.

Olimning kabineti.

Sattor Usmonov, yosh bolani yetaklagandek, Yoqubjonni bosh injener kabinetiga boshlab kirdi. — N. Safarov, Choʻl lochini

Bu yil zavod kasaba uyushmasi komiteti kabineti toʻla remontdan chiqarildi. — Gazetadan

2. Korxona, muassasa va shu kabilarda masʼul lavozimli rahbar oʻz vazifasini bajaradigan xona.

Murodjon Tojiboyevning hashamatli kabineti-yu olib yuradigan mashinasi yoʻq. — Gazetadan

Rais stol orqasidan chiqdi, kabinet eshigi oldidagi boʻsh joyda qoʻllarini orqasiga qilib, u yoqqa-bu yoqqa yura boshladi. — S. Anorboyev, Oqsoy

3. Muassasa, korxona va boshqalar ilmiy, amaliy va shu kabilar ishlarni olib borish, oʻtkazish uchun jihozlangan, moslangan va xoslangan xona.

Oʻquv kabineti. Rentgen kabineti.

Zamonaviy murakkab asbob-uskunalar, oʻquv qurollari bilan jihozlangan kabinetlar boʻlajak mutaxassislar ixtiyorida. — Gazetadan.

Birinchi marta allergiya bilan kasallangan bemor darhol allergologik kabinetga murojaat qilishi kerak. — Fan va turmush

4. Baʼzi davlatlarda ministrlar (vazirlar) hayʼati, hukumat tarkibi; hukumat.

Ministrlar kabineti. Kabinetni tarqatib yubormoq.

n study, consulting room, study- room, office

study, cabinet