joʻn

sft. 1. Past navli, sifati past, sifatsiz.

Joʻn mol.

Maxdum oʻylanib qoldi: — Boʻlmasa, —

dedi ikkilanib,— joʻnroq adrasdan ol-chi! — A. Qodiriy, Mehrobdan chayon

2. koʻchma Imtiyozli tabaqaga mansub boʻlmagan; oddiy, sodda.

[Yusufbek hoji:] Joʻn odamlar qatorida odam oʻldirib yurdim, degin?! — dedi. — Joʻn odamlar qatorida emas, — dedi [Otabek], — majburlar qatorida, zoʻrlanganlar qatorida! — A. Qodiriy, Oʻtgan kunlar

3. Past saviyali, boʻsh, zaif.

Joʻn asar.

Oxirgi sahifa joʻnroq yozilgan ekan. — A. Qahhor, Sarob

Kecha yuksak sanʼat namunasi boʻlib koʻringan asar bugun koʻzimizga joʻn boʻlib koʻrinadi. — Sharq yulduzi

Ayrim matbuot organlari ilgʻorlar tajribasini yuzaki, joʻn yozmoqdalar. — Gazetadan

4. Uncha murakkab va qiyin boʻlmagan; oson, yengil.

Mahfuza Chilonzor rayonidagi 9-bolalar kasalxonasiga ishga kirdi. Vazifasi juda joʻn: har kuni uch-toʻrt mahal tayyor ovqatlarni palatama-palata yurib tarqatadi. — Gazetadan

Ishning bu yogʻi joʻn koʻchdi. — H. Gʻulom, Toshkentliklar

5. rvsh. vzf. Bekor, shunchaki; bekorchilikka ermak qilib.

Qishloqda joʻn yurmay, bir baloni boshimizga sotib olgan ekanmiz. — Ochildov

Saidiy bunday qilolmadi, chunki oʻqish emas, kitobni joʻn varaqlash ham uni toliqtirar edi. — A. Qahhor, Sarob

6. 3-sh. egalik va j. k., ch. k. qoʻshimchalari bilan koʻm. vzf. qoʻllanadi (joʻniday).

Past navli, sifati past, sifatsiz.BASİT, SADE, KALİTESİZ

1. нетрудный, лёгкий, несложный, нетрудно, легко, несложно

2. простой

a unimportant, simple, easy

1. tómen sortlı, sapasız

2. awıs. ápiwayı, sada

3. tómen dárejeli, bos, ázzi

4. ańsat, jeńil

5. biykar

1. leicht, einfach, unkompliziert

2. unbedeutend, geringfügig, belanglos

ruschaпростой, несложныйinglizchasimple, common, easy, ordinaryfransuzchasimple, ordinairearabchaسَهْلٌ، بَسِيطٌ، هَيِّنٌ