жилов

jilov

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

жилов

от 1. Юганнинг чарм тизгини.

Жиловини бўшатмоқ.

Катта тош ёʻлда елиб келаётган отлиқ тисс деб, отнинг жиловини тортди. — М. Муҳамедов, Қахрамон изидан

Ноиб отдан тушиб, жиловни эгар қошига ташлади. — С. Сиёев, Аваз

2. кўчма Бошқариш, идора қилиш тизгини; ҳокимият.

У пайтлар хон ёш эди, салтанат жилови энди қўлига ўтган эди. — С. Сиёев, Ёруғлик

3. Изм, эрк, ихтиёр.

— Ўзимиз инглиздан зўрға қутулдик, лекин у ҳамон жиловимизни бергиси келмайди, — деди Исмоилхон. — Ойбек, Нур қидириб

Имтиҳон яқинлашаётганини унутма, жиловинг менинг қўлимда [деди ўқитувчи Одилжонга]. — Муштум

Подшо жиловида юради шотир, Ёвга от қўяр доим пирдай бўп ботир. — Юсуф ва Аҳмад

Жилов урмоқ Тиймоқ, тартибга солиб қўймоқ, бўйсундирмоқ. Дарёга жилов урди Ўктам инсонлар Улуғ бир тўғон қурди. Миртемир.
Жиловини бўш қўймоқ Ўз ҳолига, ихтиёрига қўйиб юбормоқ. Жиловини бўш қўйганингиздан кейин шундай бўлади, раис. — Ш. Рашидов, Бўрондан кучли
Жиловини тортиб қўймоқ Тартибга чақириб қўймоқ; танбеҳ бермоқ. Давлат машинасидан текин пул топиш, бойлик орттириш учун фойдаланаётган бу шахсларнинг жиловини тортиб қўядиган ташкилот ёʻқмикан? — Газетадан
Жиловини қўлга олмоқ Бошқаришни, идора қилишни ўз қўлига олмоқ.
Жиловини қўлдан бериб қўймоқ Бошқаришни, идора қилишни қўлдан чиқармоқ.