жиҳат

от 1. Тараф, томон.

Майдон икки таноб кенгликда бўлиб, жануби қутидор ва қўшнисининг иморатлари ва бошқа уч жиҳати ҳам шунга ўхшаш бинолардан иборат эди. — А. Қодирий, Ўтган кунлар

Саҳннинг тун ва кун ботар жиҳатлари кичкина ҳужралар билан ўралган. — А. Қодирий, Ўтган кунлар

2. кўчма Бирор иш, масала ва шу кабиларнинг таркибий қисми, ўзига хос хусусияти, томони.

[Фотима] Ўзига кимларнинг кўнгил қўйганини билар ва муомалада бу жиҳатни ҳисобга олар эди. — П. Турсун, Ўқитувчи

Эътиборхон Охунова табиат мафтуни, уни жондан севади. Унинг нозик, ранг-баранг жиҳатларини чуқур ҳис этади. — Х. Ёдгоров, Ҳаёт тўлқинлари