jihat

ot 1. Taraf, tomon.

Maydon ikki tanob kenglikda boʻlib, janubi qutidor va qoʻshnisining imoratlari va boshqa uch jihati ham shunga oʻxshash binolardan iborat edi. — A. Qodiriy, Oʻtgan kunlar

Sahnning tun va kun botar jihatlari kichkina hujralar bilan oʻralgan. — A. Qodiriy, Oʻtgan kunlar

2. koʻchma Biror ish, masala va shu kabilarning tarkibiy qismi, oʻziga xos xususiyati, tomoni.

[Fotima] Oʻziga kimlarning koʻngil qoʻyganini bilar va muomalada bu jihatni hisobga olar edi. — P. Tursun, Oʻqituvchi

Eʼtiborxon Oxunova tabiat maftuni, uni jondan sevadi. Uning nozik, rang-barang jihatlarini chuqur his etadi. — X. Yodgorov, Hayot toʻlqinlari