жанг

от 1. Ҳарбий қисмларнинг, қуролли кучларнинг қонли тўқнашуви, уруш.

Жанг қилмоқ.

Мадад учун юборилган немис танкларининг ёʻлини бизнинг танкларимиз тўсган, сойликда танклар жанги бўлмоқда эди. — А. Қаҳҳор, Олтин юлдуз

Шайбонийхон ҳали ҳеч қайси жангга бунчалик жон-жаҳди билан тайёрланган эмас. — П. Қодиров, Юлдузли тунлар

2. Қарама-қарши ижтимоий гуруҳларнинг тўқнашуви.

Синфий жанг.

Қарама-қарши ғоялар кураши эса сўнгги нафасгача давом этадиган ҳаёт-мамот жангидир. — ЎТА

3. спрт. Мусобақа.

Спортнинг бошқа турлари бўйича ҳам қаттиқ жанглар давом этаётир. — Газетадан

4. Баҳс, мунозара; жанжал.

Очилгач келиб эртаси ҳужраси, Қилур жанг-у жанжал ҳар эртаси. Муқимий.

5. кўчма Астойдил меҳнат.

бу йил биз 3 млн 350 минг тонна оқ олтин учун жанг олиб бормоқдамиз. — Шарқ юлдузи