Izlanishlarning aerokosmik usullari

masofadan turib (distansion) izlanish usullaridan biri; landshaftlar xususiyatlari va ulardagi oʻzgarishlarni suratga tushiradigan turli apparatura bilan jihozlangan vertolyot, samolyot, boshqariladigan kosmik kemalar, orbital stansiya va maxsus kosmik apparatlari yordamidagi oʻrganish uslublari tizimi. Ular oʻz navbatida kuzatish (vizual), foto suratga tushirish, elektron va geofizik izlanish uslublariga boʻlinadi. I.a.u. xaritalashtirish jarayonlarini osonlashtiradi va tezlashtiradi va atrof-muhit holati monitoringini tashkillashtirishda katta ahamiyatga egadir.