Изланишларнинг аерокосмик усуллари

масофадан туриб (дистансион) изланиш усулларидан бири; ландшафтлар хусусиятлари ва улардаги ўзгаришларни суратга туширадиган турли аппаратура билан жиҳозланган вертолёт, самолёт, бошқариладиган космик кемалар, орбитал стансия ва махсус космик аппаратлари ёрдамидаги ўрганиш услублари тизими. Улар ўз навбатида кузатиш (визуал), фото суратга тушириш, электрон ва геофизик изланиш услубларига бўлинади. И.а.у. хариталаштириш жараёнларини осонлаштиради ва тезлаштиради ва атроф-муҳит ҳолати мониторингини ташкиллаштиришда катта аҳамиятга эгадир.