ИСТОЧНИКИ ЭНЕРГИИ ЗЕМЛИ

Yerning qattiq qobigʻida tektonik harakatlarni va deformatsiyalarni yuzaga keltiradigan mexanik va kinetik energiyalar. Bu energiyalar Yerning qattiq qobigʻidagi jinslarni boʻshashtiradigan yoki zichlashtiradigan, choʻzadigan yoki siqadigan hodisalarni keltirib chiqaradigan issiqlik energiyasining qayta oʻzgargan mahsulidir. Chuqurlik oshgan sari temperatura oshib boradi. Yerning qattiq yuzasidan esa uzluksiz issiqlik ajralib turadi. Zamonaviy hisoblashlar Yer qaʼrida 4,2 · 10¹³ W issiqlik oqimi borligini koʻrsatdi. Yer qaʼridagi issiqlik oqimi qanday hosil boʻladi? Koʻpgina tadqiqotchilar bu issiqlik uran, toriy va kaliy radioaktiv moddalarining parchalanishidan hosil boʻladi deb hisoblaydilar. Lekin, 1971 yili O.G.Soroxtin bu fikr mantiqqa toʻgʻri kelmasligini qayd qilib, Yerni qizdiradigan manba mantiya va yadro chegarasidagi gravitatsion differensiatsiyalanish (taqsimlanish)dandir deb hisoblaydi. Amerika geofizigi V.Vakening fikricha, radiogen issiqlik Yer qaʼridagi issiqlik oqimining (4,2 · 10¹³ W) toʻrtdan biriga — 1,14 · 10¹³ W teng. Tabiiy radioaktiv elementlar-, Yerning energiya manbalari