ИСКУССТВЕННОЕ ИСКРИВЛЕНИЕ СКВАЖИН

burgʻilash jarayonida quduq yoʻnalishini maʼlum bir maqsadda, moʻljallangan nuqtaga qarab sunʼiy ravishda ogʻdirish. Sunʼiy ogʻdirilgan quduqlar koʻp tubli (tarmoqlangan-yoʻnalgan) va shoxsimon koʻp tanali (kustli) burgʻilashga boʻlinadi. Bunday quduqlarni burgʻilash yangi neft va gaz konlarini, foydali qazilma konlarini qidirish ishlarini tezlashtiradi, burgʻilash tannarxini va sarflanadigan materiallar miqdorini kamaytiradi. Q.s.q. quyidagi hollarda qoʻllaniladi: 1) qiya tashlama-uzilma yoki parallel joylashgan ikki tashlama-uzilma ostida yotgan neft va gaz qatlamlarni ochishda; 2) quduq tanasini tashlama-uzilma (uzilishlar zonasidan mahsuldor gorizont tomon yoʻnaltirishda; 3) tuz kubbalari ostida joylashgan neft qatlamlarini (burgʻilash murakkab boʻlganda) ochishda; 4) quduq devori qulashi yoki burgʻilash eritmasini juda katta miqdorda yutishi mumkin boʻlgan joylarni chetlab oʻtishda; 5) okean, dengiz, daryo, koʻl, kanal va botqoqliklar ostida joylashgan mahsuldor qatlamlarni ochishda; 6) dengiz yoki koʻlda joylashgan estakadalardan tortib, mahsuldor qatlamga yoʻnalgan bir necha quduqlar, Quduqning sunʼiy qiyshaytirish