искамоқ
iskamoqискамоқ
фл. 1. Ҳидни бурунга тортмоқ; ҳидламоқ.
Ҳайдар ота бир туп садарайҳонга қўл уриб искади. — А. Қаҳҳор, Асрор бобо
Искав кўрсам, тоза боғнинг гулисан, Қай шаҳарда, қандай бекнинг ўғлисан? — Ширин билан Шакар
2. Ҳид олмоқ, ҳидидан изламоқ (ит ҳақида).
Раҳим, елкасида халта, бедазор ёнида турар, Тарзан эса тизза бўйи ўсиб гуллаган кўм-кўм беда ичида бир нимани искаб юрарди. — Ҳ. Назир, Сўнмас чақмоқлар
3. кўчма Пайқамоқ, сезмоқ.
Ҳа, айёр чўлоқ, искабсан дарров! Бир маҳалладан бир қизни олиб қочишди. Бойваччанинг хизматкорининг қизи эмиш — Ойбек, Танланган асарлар
- Елкаси ер искамаган Курашда йиқилмаган. Уни Ҳакимполвон деб аташлари ҳам бежиз эмас. У, катта курашларда полвонлар билан беллашган, аммо елкаси ер искамаган. — А. Шермуҳамедов, Пискентлик паҳлавон
- Орқам ер искамади