ishtaha

иштаҳа

7 ta lugʻatda uchraydi JSON Shevalarda Barcha qidiruv natijalari

Izohli lugʻat

ishtaha

ot 1. Ovqatlanishga uygʻongan yoqimli ishtiyoq (soʻlak va meʼda shirasi ajralishi bilan yuzaga keladi).

Yodgor sogʻayib, ishtahasi oxirgi dahadan turgan pilla qurtinikiday boʻlgan edi. — S. Ayniy, Doxunda

[Salimboyvachcha] Ezilib pishgan yogʻli goʻshtni ishtaha bilan yeb, shishani yarimlatdi. — Oybek, Tanlangan asarlar

2. koʻchma Ishtiyoq, mayl, hafsala.

Oʻh-hoʻ, balli ishtahangga, shoshma, bu ham boʻlur tez. Oyga borib, oʻzing oyni ola qolgin, yaxshi qiz. — M. Shayxzoda.

Lochinboyev yigit orqasidan jamoa raisi kirib kelishini zoʻr ishtaha bilan kutgan edi. — H. Shams, Xarakteristika

Ishtahaga kirmoq Ovqatlanishga xohish, ishtaha paydo boʻlmoq. Ishtahaga kirdi-yu, kulcha yuziga rang yugurdi — K. Yashin, Hamza
Ishtahani boʻgʻmoq (yoki oʻldirmoq, kesmoq) 1. Ishtahani yoʻq qilmoq, qaytarmoq. Hayot esa boyagiday qiltomoq boʻlib oʻtiraverdi, toʻgʻrisi, bu noyob baxt uning ishtahasini boʻgʻib qoʻygan edi. — M. Ismoiliy, Fargʻona tong otgunchaGulnorning ham ishtahasi kesildi, ikki-uch qoshiq shoʻrva halqumidan bazoʻr oʻtdi. — Oybek, Tanlangan asarlar.
Ishtaha(ni) ochmoq Ishtaha paydo qilmoq. Xalq tabobatida karam bargi ishtaha ochuvchi omil sifatida foydalanilgan. — Gazetadan
Ishtahasi karnay 1. Ishtahasi juda yaxshi. — Ishtaha karnayga oʻxshaydi, — dedi kulib Gʻozi, keyin ikki barmogʻi bilan tomogʻini siladi. — I. Raxim, Ixlos